Matn en Voortjans,


Martin ter Denge (Matn) en Gerbert Voortman (Voortjans) bint möage vuur zo'n 25 joar. Ze kent mekoar van et muziek van Riessen, Wilhelmina.
Doar hebt ze van allens leard: muziek maken, samenwoarken, mer vuural: akelig nöalen.

Noa ne opleiding van dikke twentig joar vleugen ze beide oet en kwammen mekoar wier tegen in de sportskole. Woer at de kilo's duur de locht vleugen, kwam der wier ruumte vuur creativiteit (um het mer es met een deur Hollands woord te bekrieven).

In april 2020 lear et hele land op et gat van de Corona-crisis. Det was een mooi moment vuur de kearls um het kuierpöalke der bie te griepen en nen podcast op te nemmen. Dan hadden de leu dee verplicht bie de kökkene zitt fein wat dagelikse nöalerieje te lusteren en kwammen de kearls mooi van et ei of.

WATATA steet vuur: Wat is dat dan? Vie Tukkers könt mear nöalen met minder letters!

WORUMDA

Met 'n Corona zitt nen hoop leu allene in thoes. Vuur at dissen helen kroam begun, kregen ze regelmoatig kuiervolk um de dure te klepperen (noabers, familie, vreanden), mer met 'n Corona kan dat neet mear. Et is der stille in 't hoes. Dat is nit best vuur et gemood.

Met dissen podcast doo'w de leu alle wekken een uurken gezelligheid.  Net zo as ze dat anders ook altied hadden.